توپ کام آئی اور نہ تفنگ

وہ شاہوں کے محلّات تک پہنچا۔اس نے غریبوں کی بستیوں میں ڈیرے جمائے۔اقتدارکے ایوانوںتک رسائی حاصل کی۔اُمرا کی پرتعیّش رہایش گاہوں میں داخل ہوگیا۔ دنیا کی سب سے بڑی طاقت کے طیارہ بردارجہاز تک میں اس نے نقب لگالی،حالاں کہ اس کے اوپر سے گزرنے والے کسی پرندے تک کی اسکریننگ ہوتی رہتی ہے اور کسی کشتی یا جہاز کو اس کے قریب سے گزرنے کی بھی اجازت نہیں ہوتی۔دوسری جانب حکم رانوں اور وزرا کے ان دفاتر اور رہایش گاہوں تک میں جا گھسا جہاںداخل ہونے والی ہر شئے اور جان دار کی کڑی جانچ ،پڑتال کی جاتی ہے۔دنیا کا طاقت ور ترین ملک بھی اس کی تبا ہ کن پیش رفت روکنے میںناکام نظر آرہا ہے ۔