ٹِڈّی آئی، تباہی لائی

ٹِڈّی آئی، تباہی لائی

Media Category: Print
Media Organization: Daily Jang, Karachi
By: Rizwan Ahmed

پاکستان کو ان دنوں دو عشروں کے دوران ٹِڈّیوں کی بدترین افزائش کا سامنا ہے اور اس خطرے سے نمٹنے کے لیے ملک میں قومی ایمرجنسی نافذ کی جاچکی ہے۔متعلقہ حکّام صحرائی ٹِڈّیوں کے لشکروں سے نمٹنے کے لیے کوشاں ہیں۔لیکن یہ ٹِڈّیاں بڑے پیمانے پر فصلیں تباہ کر رہی ہیں، جس سے خوراک کی قلت کے خدشات پیدا ہونا شروع ہو گئے ہیں۔وزیر برائےنیشنل فوڈ سکیورٹی مخدوم خسرو بختیار کا قومی اسمبلی سے خطاب کے دوران کہنا تھا کہ ٹِڈّیوں کا حملہ بے مثال اور انتہائی قابل تشویش ہے۔
یہ ٹِڈّیاں گزشتہ برس جون کے مہینے میں میں ایران کے راستے پاکستان میں داخل ہوئی تھیں اور پہلے ہی جنوب مغربی علاقوں میں بڑے پیمانے پر فصلوں کو تباہ کر چکی ہیں۔ ان علاقوں میں سب سے زیادہ کپاس، گندم اور مکئی کی فصلیں متاثر ہوئی ہیں۔پاکستان میں یہ ٹڈیاں جنوبی صوبے سندھ سے سفر کرتی ہوئیں شمال مغربی صوبے خیبرپختون خوا تک پہنچ چکی ہیں۔ انہیں مناسب موسم ملنے اور متعلقہ حکّام کی جانب سے ردعمل میں تاخیرکے باعث ان کی تعداد اور متاثرہ علاقوں میں روز بہ روز اضافہ ہوتا جا رہا ہے۔

Nominated Work

ٹِڈّی آئی، تباہی لائی ان کی تیز رفتار افزایش اور تابڑ توڑ حملوں کی وجہ سے خوراک کی قلت کے خدشات پیدا ہونا شروع ہوگئے ہیں

Click Here To View The Nominated Work